Ibinalik na ng pinatalsik na si dating Chief Justice Maria Lourdes Sereno ang kontrobersiyal na binili at ginamit nitong service vehicle.
Ito ay matapos isapinal ng Kataas-taasang Hukuman ang desisyon nitong nagpapatalsik kay Sereno sa puwesto.
Batay sa ulat, hinintay pa ni Sereno ang pinal na pasiya ng Korte Suprema sa kinaharap na quo warranto petition noong Martes bago nito ibinalik ang ginamit na sasakyan.
Magugunitang, isinama rin sa isinampang impeachment complaint laban kay Sereno ang pagbili nito ng nasabing Land Cruiser bilang kanyang service vehicle.
Sa ngayon, hindi pa malinaw kung sino na ang gagamit ng nasabing sasakyan o kung ibibigay ito sa susunod na mapipiling chief justice.
—-
