Ipinakilala ni perfume king na si Joel Cruz ang bago niyang baby.
Ibinahagi ni Cruz sa pamamagitan ng kanyang Instagram account ang larawan ng ika-pito niyang anak na pinangalanang Baby Zeid.
Si Baby Zeid ay isinilang noong June 23 sa St. Petersburg, Russia at resulta ng in vitro fertilization at surrogacy.
Sinabi ni Cruz na kambal sana ang kanyang bagong anak subalit hindi naka-survive ang isa pang baby.
Ang unang anak na kambal ni Cruz ay sina Prince Sean at Princess Synne na isinilang noong September 2, 2012 na sinundan nina Prince Harry at Prince Harvey na ipinanganak noong October 23, 2015 samantalang May 24, 2017 nang isilang sina Charles at Charlotte.
Ang mga anak ni Cruz ay nagmula sa iisang ina lamang at ginastusan niya ng 7 milyong piso ang in vitro fertilization.
—-
