Daan-daang sibilyan ang nagsilikas sa takot na maipit sa nangyaring girian ng militar at ng mga miyembro ng BIFF o Bangsamoro Islamic Freedom Fighters sa Maguindanao.
Batay sa ulat ng 601st Brigade ng Philippine Army, binomba ng kanilang 7th field artillery battalion ang kuta ni Abu Toraife o Sheik Esmail Abdulmalik sa Barangay Tina at Barangay Pusao sa Mamasapano.
Una nang nagpatupad ng re-positioning ang mga tauhan ng MILF o Moro Islamic Liberation Front bago bombahin ang kuta ni Abu Toraife gamit ang 105 mm howitzers cannon.
Kasalukuyang nagpapatuloy ang combat clearing operations ng militar sa lugar at nakahanda namang mamahagi ng tulong ang pamahalaang panlalawigan sa mga bakwit.
