Miss Earth pageant ang napipisil ngayon ng Department of Environment and Natural Resources o DENR na maging kabahagi sa reopening ng Boracay Island sa Oktubre.
Ito ay matapos maudlot ang napaulat na gaganaping Miss Universe pageant sa pagbubukas ng isla dahil sa isyu ng funding.
Ayon kay Environment Secretary Roy Cimatu, natalakay niya na kay Pangulong Rodrigo Duterte ang posibleng pagdating ng mga kandidata ng Miss Earth sa Boracay.
Una rito, nakipag-ugnayan ang Miss Earth Organization kay Pangulong Duterte kaugnay sa iba’t ibang isinusulong na environmental campaign ng pageant na sinuportahan naman ng Punong Ehekutibo.
—-
