Bibida ang tambalang ‘JoshLia’ na binubuo ng aktor na si Joshua Garcia at Julia Barretto sa isang teleserye sa kauna-unahang pagkakataon.
Ayon sa magka-love team, may working title na ngayon at kailanman ang kanilang gagawing teleserye.
Kuwento ni Julia, isang classic love story ang magiging takbo nito na may pagka-Romeo and Juliet o ipinagbabawal na pag-iibigan.
Itinuturing namang challenging ni Joshua ang kanyang gagampanang karakter dito.
Aniya, magiging baliktad kasi ang role nila ni Julia kung saan gaganap na mahirap ang aktres at siya naman ang mayaman.
Dagdag ni Joshua, hirap na hirap siya sa kanyang karakter sa nasabing serye at kinakabahan din sa magiging reaksyon ng manonood sa kanyang pag-arte rito.
—-
