Patay ang magkapatid na paslit habang sugatan ang kanilang ina matapos na gumuho ang lupa sa may bahagi ng Barangay Bananuan, Barbaza, Antique, kaninang madaling araw.
Kinilala ng mga otoridad ang mga nasawi na sina Rosalia Agapito, anim na taong gulang at Andrew Agapito, tatlong taong gulang, samantalang nagtamo naman ng minor injuries ang inang si Tessie Agapito.
Base sa ulat, natabunan ng lupa ang buong bahay ng mga biktima dahil sa nangyaring landslide na dulot ng walang tigil na pagbuhos ng malakas na ulan.
Ayon sa pulisya, sinubukan pang isugod sa pagamutan ang magkapatid ngunit idineklara ding dead on arrival.
