Inilunsad na ng Russia ang pinakamalaking war games simula noong Cold War.
Tinatayang 300,000 sundalong Russo, 36,000 military tanks, 1,000 aircraft at 80 warships ang kalahok sa war games sa Eastern Siberian Region.
Nakikibahagi rin ang tinatayang 3,200 sundalong Tsino sa naturang aktibidad bilang pagpapakita ng matatag na defense relations ng Russia at China.
Layunin din ng military drills na matiyak ang kahandaan ng military sa mabilis na deployment ng mga tropa sa malayong lugar.
Samantala, naniniwala naman ang US Defense Department at North Atlantic Treaty Organization na ang naturang military drills ay pagsasanay para sa panibagong pananakop ng Russia o China sa ilang karatig bansa o teritoryo.
—-
