Patay ang 2 katao habang kritikal ang 2 iba pa sa bakbakan ng dalawang magkalabang grupo sa Cotabato City.
Kinilala ni Supt. Rex Anongos, Cotabato City Police Director, ang isa sa mga nasawi na si Jordan Talusop ng Shariff Kabunsuan na binaril ng isa sa mga suspek na pinamumunuan ng isang Ben Montes a.k.a. Black Moro na agad namang nadakip.
Napatay naman ng mga rumespondeng sundalo mula sa 5th army special forces battalion ang kasamahan ni Black Moro na si Roland Kabatuan.
Nakilala naman ang mga nasugatan na sina Alima Adam at Michael Montes.
Nagpapatrulya umano ang mga sundalo nang mapansin ang engkwentro ng dalawang grupo sa SK Pendatun Avenue na kapwa mga naka-motorsiklo.
Iniimbestigahan pa ng mga awtoridad ang sanhi ng naturang karahasan.
By: Jelbert Perdez
