Niyanig ng pagsabog ang bayan ng Midsayap sa North Cotabato, alas-7:15 kagabi.
Nangyari ito halos walong oras lamang matapos ang pagsabog sa isang botika sa barangay Apopong General Santos City, kahapon.
Ayon kay Midsayap Deputy Police Chief, Senior Insp. Jumrell Amotan, walang nasaktan sa nangyaring pagsabog sa loob ng isang videoke bar sa Barangay Poblacion 4.
Hinala naman ng caretaker ng nasabing videoke bar, posibleng iniwan ng tatlong lalaking nagpanggap na kanilang customer ang sumabog na IED.
Patuloy namang iniimbestigahan ng pulisya ang insidente.
—-
