Pinaliligiran umano ng militar at armadong grupo ang tanggapan ng mga makakaliwang organisasyon sa Diliman, Quezon City.
Ayon kay Atty. Edre Olalia ng National Union of People’s Lawyers (NUPL), may mga umaaligid na motorsiklo, kotse at military truck sa tanggapan ng NUPL, Bagong Alyansang Makabayan at Karapatan.
Sinabi ni Olalia na armado ang mga nakitang unipormadong militar at sibilyan na umaaligid sa kanilang tanggapan.
Isang consultant rin aniya ng National Democratic Front (NDF) ang nagpadala sa kanila ng SOS matapos mapansin may sumusunod sa kanya at may naka-stand by pang riding in tandem sa labas ng kanyang tinitirhan.
—-
