Tinupok ng apoy ang nasa 100 kabahayan sa Mauban Street, Barangay Manresa sa Quezon City.
Mabilis na lumaki ang sunog na umabot pa sa ika-limang alarma dahil pawang gawa sa mga light materials ang mga bahay sa nabanggit na lugar.
Tumulong na rin ang mga residente sa mga bumbero para agad na maapula ang apoy.
Idineklara nang fire-out bago mag-alas 3:00 kaninang madaling araw na nag-iwan ng lima kataong sugatan.
Pansamantala namang nasa Manresa Covered Court ang mga apektadong residente.
