Patay ang isang Filipino-American na estudyante dahil sa hinihinalang fraternity related incident sa California.
Kinilala ang biktima na si Noah Domingo, 18-anyos at freshman sa kursong Biological Sciences sa University of California.
Batay sa ulat, natagpuang wala nang buhay si Domingo sa isang bahay malapit sa campus kung saan ginanap ang isang party na pinangunahan ng kinabibilangan nitong Sigma Alpha Epsilon Fraternity.
Ayon sa Orange County Coroner’s Office, lumabas na anim na oras nang patay si Domingo bago ito natagpuan bagama’t patuloy pang iniimbestigahan ang dahilan ng kanyang pagkamatay.
Samantala, sinuspinde na ng University of California ang Sigma Alpha Epsilon Fraternity matapos ng insidente.
—-
