Tuluy-tuloy ang hot pursuit operations ng mga otoridad sa most wanted person ng Talisay City sa Cebu.
Ang suspek na si Jerome Labitad ay nakatakas matapos makipag barilan sa mga pulis sa isinagawang joint operation ng provincial intelligence branch at San Fernando PNP kahapon.
Si Labitad na residente ng Carangay Campo Kuwatro sa Talisay City ay sinasabing suspek sa pag-ambush kay San Fernando Mayor Neneth Reluya na ikinasawi ng asawa nito at dalawang iba pa.
Bukod ito, sangkot din si Labitad sa pagbabaon ng sako-sakong armas nuong isang taon at nasa likod ng operasyon ng iligal na droga sa lungsod ng Talisay.
