Itinuturing na ng Philippine National Police na “case closed” ang Jolo Cathedral Bombings makaraang maaresto ang mga sangkot umano sa pambobomba kabilang na ang mastermind na si alyas ‘Kammah’.
Ayon kay Joint Task Force Commander, Brig. Gen. Divino Rey Pabayo, naniniwala silang hawak ng Ajang-Ajang member na si alyas ‘Kammah’ ang mga sagot sa Mount Carmel Cathedral Bombings na ikinasawi na ng 23 katao.
Maaari rin anyang ituro ni Kammah ang kinaroroonan ng Abu Sayyaf leader na si Hatib Hajan Sawadjaan sa Sulu.
Sa kabila nito, inihayag naman ni Defense Secretary Delfin Lorenzana na mayroon pang suspek umano sa pambobomba ang na kapangalan o katunog ng pangalan ni Kammah ang pinaghahanap.
