Umaasa pa rin si Senador Allan Peter Cayetano na siya ang pipiliin ng Liberal Party para maging ka-tandem ni Mar Roxas.
Ayon kay Cayetano, mayroong isang grupo na kinabibilangan ng mga malalapit niyang kaibigan, private citizens at ilang miyembro ng liberal na kumukumbinsi sa pamunuan ng liberal na ikonsidera ang roxas-cayetano tandem.
Hindi naman pinangalanan ng Senador ang nasabing grupo pero inihayag daw ng mga ito na maganda ang kombinasyon nina Roxas at Cayetano dahil pareho silang naniniwala sa tuwid na daan.
Handa naman anya siyang maghintay sa magiging desisyon ni Roxas at ni PNoy.
At sakali mang hindi siya piliin ng Liberal, hindi naman na niya ipipilit pa ang kanyang sarili.
Giit pa ng senador, ang kanyang partidong Nacionalista at ang Liberal party ay 5 taon nang magkaalyado sa ilalim ng administrasyong Aquino.
By: Jonathan Andal
