Patay ang dalawang bata matapos na ma-trap sa loob ng nasusunog na bahay sa Barangay Pandan, Angeles City.
Ayon sa inang si Margie Roxas, araw-araw nilang iniiwan sa bahay sina Rian apat na taong gulang at Rox dalawang taong gulang sa kanilang tahanan habang sila ay nasa trabaho at ibinibilin na lamang sa kanilang lola.
Nagkataon aniya nung araw na nagkaroon ng sunog ay may sakit ang kanyang ina kaya hindi nabantay ang magkapatid.
Batay naman sa Angeles City Central Fire Station posibleng ang koneksyon ng kuryente ang siyang naging dahilan ng sunog dahil sa pag-overload na bunsod ng pag gamit ng extension wire.
