Magtutungo ng Vietnam si North Korean Leader Kim Jong Un para sa isang official visit anumang araw mula ngayon.
Ito ang kinumpirma ng foreign ministry ng Vietnam, kasabay na rin ng kanilang paghahanda para sa ikalawang pagpupulong nina Kim at US President Donald Trump sa susunod na linggo.
Bagama’t hindi tinukoy ng Vietnam foreign ministry ang eksaktong petsa ng pagbisita ni Kim sa kanilang bansa, ilang mga sources ang nagsabing inaasahang darating ito ng February 25 o 26.
Una nang itinakda sa February 27 at 28 sa Hanoi ang ikalawang pulong sa pagitan nina Kim at Trump para muling pag-usapan ang paglansag sa mga nuclear arsenal ng North Korea.
