Hindi aprubado kay Davao City Mayor Sara Duterte ang posibilidad na muling bumalik sa kapangyarihan si dating House Speaker Pantaleon Alvarez.
Ayon kay Inday Sara, nasubukan na dati ang pamamahala ni Alvarez at hindi ito naging matagumpay kaya hindi na siguro ito dapat na maulit.
Ginawa ng alkalde ang pahayag isang araw matapos na ihayag ng PDP–LABAN na si Alvarez ang posibleng isabak sa leadership ng Kamara sa susunod na pagbubukas ng Kongreso.
Una nang inihayag mismo ni Pangulong Rodrigo Duterte na ang kanyang anak na si Sara ang siyang nasa likod ng pagpapatalsik kay Alvarez sa puwesto.
