Apat katao kabilang ang isang buntis ang nasawi sa sunog sa isang ancestral house sa Arakan, North Cotabato.
Kinilala ni Senior Fire Officer Ronald Valle, hepe ng BFP-Arakan ang mga biktima na sina Ronnie Monteser, buntis na anak na si Mary Jane, live in partner nitong si Roenhart Carugda at anak nilang isang taong gulang na si Andrea.
Sinabi ni Valle na natutulog ang mga biktima nang masunog ang nasabing bahay na gawa sa light materials mag-aalasdos kaninang madaling araw.
Natupok din sa sunog ang isang motorsiklo na nagdulot ng pagsabog kayat lumaki pa ang Pinoy.
Ayon sa Arakan BFP, nasa P60,000 ang tinatayang danyos mula sa nasabing sunog.
Samantala, tatlong milyong pisong halaga naman ng mga ari-arian ang natupok sa apat na insidente ng sunog sa Kabacan, North Cotabato kahapon.
