Inaalam na ng Department of Foreign Affairs o DFA kung mayroon Pinoy na sakay ng bumagsak na Ethiopian Airlines.
Ayon sa DFA, inatasan na nila ang embahada ng Pilipinas sa Cairo, Egypt at Nairobi, Kenya na makipag-ugnayan sa mga otoridad sa Addis Ababa, Ethiopia at Nairobi upang maberipika kung may Pilipino bang lulan ang nasabing eroplano.
Kasabay nito, nagpaabot ng pakikiramay ang DFA sa Ethiopian officials at lahat nang naulilang pamilya ng mga nasawi.
Patungo sanang Kenya ang Ethiopian Airlines BOEING 737 passenger jet nang bumagsak ito malapit sa Bishoftu sa Ehtiopia.
Lulan nito ang 149 na pasahero at walong crew members.
