Umakyat na sa Commission on Human Rights o CHR ang kaso ng brutal na pagpatay sa 16 taong gulang na si Christine Silawan.
Si Silawan ay natagpuang walang buhay, tadtad ng saksak, walang saplot pang ibaba at binalatan ang mukha sa Lapu-Lapu City, Cebu.
Ayon kay CHR Spokesperson Jacqueline De Guia, bumuo na ang kagawaran ng quick response team para magsagawa ng parallel investigation sa kaso.
Giit pa ni De Guia, walang sinoman ang dapat makaranas ng ganitong uri ng krimen lalo na ang isang inosenteng bata.
