Ipinag-utos na ng municipal government ng Bauko, Mountain Province ang preemptive evacuation ng mga residente sa tatlong sitio sa Barangay Bagnen Proper matapos ang serye ng bakbakan ng pulisya at New People’s Army (NPA).
Pansamantalang nanunuluyan ang mga residente ng Sitio Cotcot, Luagan at Malupa sa multipurpose function hall ng bauko habang nagpapatuloy ang pursuit operation laban sa mga rebelde.
Marso 29 nang sumiklab ang sagupaan sa magubat na bahagi ng mga bayan ng Bauko at Tadian.
Isang pulis na ang nasawi sa engkwentro na kinilalang si Corporal Marlon Casil habang walong iba pa ang nasugatan.
