“It’s not for me.”
Iyan ang naging pahayag ni Kathryn Bernardo makaraang lumutang ang kanyang pangalan sa mga posibleng gumanap bilang Pinoy superhero na Darna.
Sa ngayon aniya ay hindi niya nakikita ang kanyang sarili na suot ang isang Darna costume.
Sa kanyang personal na pananaw, isang iconic role ang pagiging darna at mayroong binabagayang aktres.
Kinakailangan aniya ng isang aktres na dapat ay mas may edad kumpara sa kanya at isang ganap nang babaeng kayang kumatawan sa larawan ng mga kababaihan.
Samantala, si Angel Locsin aniya ang kanyang nakikitang perfect actress na gaganap nito.
Magugunita namang dati na ring gumanap si Angel bilang Darna noong taong 2005.
—-
