Tinawag na walang modo ni Rizalito David ang gagawing hakbang ni Senadora Grace Poe.
Kaugnay ito sa mahalagang anunsyong gagawin ng Senadora ngayong araw hinggil sa pagtakbo nito sa mas mataas na pusisyon sa darating na eleksyon.
Giit ni David na siyang nagsampa ng reklamo sa Senate Electoral Tribunal o SET, kawalan aniya ito ng respeto ni Poe sa nasabing korte na siyang dumirinig sa reklamo laban sa kaniya.
Binigyang diin pa ni David na dapat munang tapusin ng Senadora ang pagdinig ng SET sa reklamo nito kaugnay sa citizenship bago ito pormal na maghayag ng kaniyang kandidatura.
Nakatakda ang oral arguments ng SET sa disqualification case ni Poe sa Setyembre 21.
By Jaymark Dagala
