Makakaranas ng ilang araw na magdamag na water service interruption ang mga consumers ng Manila Water sa San Mateo, Rizal.
Sa abiso ng Manila Water, mawawalan ng suplay ng tubig mula alas diyes ng gabi hanggang alas otso ng umaga kinabukasan tuwing Martes at Biyernes ang labing isang barangay sa San Mateo.
Kabilang dito ang barangay Ampid 2, Dulong Bayan 1, Dulong Bayan 2, Guinayang, Guitnang Bayan 2, Malanday at Maly.
Gayundin ang buong Barangay Guitnang Bayan 1 maliban lamang sa Divine Mercy habang ilang lugar lamang sa Barangay Ampid 1, Banaba at Sta. Ana ang apektado.
Supply management ang ibinigay na dahilan ng Manila Water sa kanilang ipinatupad na service interruption.
