Nilinaw ng Philippine National Police (PNP) na walang hiniling na security detail si Peter Joemel Advincula o alyas Bikoy.
Iyan ang inihayag ni Pnp Spokesman P/Col. Bernard Banac makaraang tuluyan nang makalaya matapos na maglagak ng piyansa dahil sa kasong estafa.
Ayon kay Banac, wala namang inihaing pormal na request si bikoy na humihiling na bigyan siya ng seguridad bagama’t nakahanda naman sila sakaling hilingin sa kanila iyon.
Sa panig naman ni CIDG – NCR Chief P. Lt/Col. Arnold Ibay, wala silang impormasyon kung mayruong abogado si alyas Bikoy at hindi nila masabi kung kailan ito babalik sa Kampo Crame.
Una rito, tahimik ang pamilya Advincula hinggil sa susunod nilang hakbang matapos ang tila pagkambiyo ni alyas Bikoy sa kaniyang mga naunang pagbubunyag laban sa pangulo gayundin sa pamilya at mga kaibigan nito.
