Isang teenager ang nahulihan ng mahigit sa P7-M halaga ng shabu sa Caloocan City.
Nakumpiska ng PNP NCRPO mula sa suspek ang shabu sa buy bust operations na isinagawa sa isang motel sa Caloocan City kung saan naaresto ang 18 anyos na si Jason “Mac Mac” Mercene.
Ang buy bust operation ay follow up lamang sa buy bust operations na isinagawa sa Parañaque City noong nakaraang linggo.
Ayon kay PNP NCRPO Chief Police Major General Guillermo Eleazar, si Mercene ay pinagkakatiwalaang tauhan ni Edward Mongado Co Jr., ang di umano’y lider ng grupong kriminal na nag-ooperate sa Pasay City, Makati City, Rizal at Cavite.
Maliban sa maramihang pagbebenta ng droga, sangkot din di umano ang grupo sa gun for hire services.
with report from Gilbert Perdez (Patrol 13)
