Hindi makakapunta si Davao City Mayor Sara Duterte sa ika-apat na State of the Nation Address (SONA) ng kaniyang ama na si Pangulong Rodrigo Duterte.
Batay sa ulat, mismong si Sara ang nagparating ng mensahe na siya ay kasalukuyang nasa “special medical leave” sa loob ng 60 araw.
Ito aniya ay dahil sa kaniyang “gynecological” condition kaya’t hindi siya makakarating sa sona ng pangulo sa Hulyo 22.
Hindi naman nagbigay pa ng karagadagang detalye ang presidential daughter hinggil sa kaniyang kondisyon.
Noong nakaraang taon ay dumalo si Mayor Sara sa SONA ng ama kasama ang kaniyang ina na si Elizabeth Zimmerman.
