Ipinag-utos ni Manila Mayor Isko Moreno ang pagbuo ng tinatawag na Business One Stop Shop o BOSS sa lungsod.
Layunin nito na mapabilis at mapadali ang proseso ng pagkuha ng business permit sa Maynila.
Sa ilalim ng boss, gagawin na lamang sa iisang lugar ang pagproseso sa pagkuha ng local business license, clearance, permit, certifications at authorization.
Batay sa inilabas na executive order number 8 ni Moreno, ilalagay ang BOSS sa business center – taxpayer’s lounge sa ground floor ng city hall.
Isasagawa ang soft launching ng Manila Business One Stop Shop sa Lunes, June 22.
