Tiniyak ni Albay Rep. Joey Salceda na walang magaganap na kudeta sa speakership ng Kamara sa pagbubukas ng 18th Congress bukas, Hulyo 22.
Ayon kay Salceda, nagbigay na ng kaniyang mungkahi si Pangulong Rodrigo Duterte sa kung sino ang dapat na mamuno sa Kamara at umaasa siyang susunod dito ang kaniyang mga kasamahan.
Sa kabilang dako, sinabi naman ni Anak Kalusugan Rep. Mike Defensor na kanila nang tinanggap ang anunsyo ng pangulo na term sharing sa pagitan nila Taguig Rep. Allan Peter Cayetano at Marinduque Rep. Lord Allan Velasco.
Magugunitang sa nakalipas na SONA ng pangulo noong isang taon, nabigla ang lahat sa pagpapalit ng liderato ng Kamara mula kay Davao Rep. Pantaleon Alvarez hanggang kay dating pangulo at noo’y Pampanga Rep. Gloria Macapagal – Arroyo.
