Nakuha ng mga bagitong Senador ang Chairmanship ng ilang mga mahahalagang Komite sa Senado.
Ito ay kasunod ng isinagawang botohan sa Senado na inaprubahan ni Senate President Vicente Sotto III matapos na walang makuhang pagtutol mula sa ibang Senador.
Naihalal bilang bagong Chairman ng Senate Committee on Health si Senador Bong Go habang Committee on Public Order and Dangerous Drugs Chairman naman si Senador Ronald Dela Rosa
Pamumunuan naman ni Senadora Imee Marcos ang Committee on Economic Affairs at si Senador Francis Tolention sa Committee on Local Government.
Nakuha naman nina Senadora Pia Cayetano ang Chairmanship ng Committee on Ways and Means, Senador Lito Lapid sa Games and Amusement at Senador Bong Revilla sa Public Information and Mass Media.
