Iniimbestigahan na ng Department of Agriculture (DA) ang marahas na paglilibing sa mga may sakit na baboy sa Antipolo City.
Matatandaang bumuhos ang pagkondena laban sa paglilibing ng buhay sa mga alagang baboy habang ang iba naman ay inilagay sa sako at pinaghahanpas pa ng backhoe.
Ayon kay Agriculture Secretary William Dar, agad niyang pinagsabihin ang mga kinauukulan na mahigpit na sundin ang protocol ng swine disease management.
Samantala, nilinaw naman ni DA Region 4-A Executive Director Arnel De Mesa na dumaan sa maayos na pamamaraan ang kanilang ginawang pagkitil sa buhay ng mga apektadong alagang baboy.
