Maghahain ng motion for reconsideration ang pamilya ng pinaslang na si Ako Bicol Partylist Representative Rodel Batocabe.
Ito ay matapos payagan ng Legaspi City Regional Trial Court branch 10 ang pagpapiyansa ni dating Daraga Albay Mayor Carlwyn Baldo, ang pangunahing akusado sa krimen.
Ayon kina Ginang Gertrudes at Justine Batocabe, asawa at anak ng pinaslang na kongresista, dismiyado sila sa naging pasiya ng Korte.
Giit ng mag-inang Batocabe, matibay ang ebidensiya laban kay Baldo kaya hindi anila dapat ito pinayagang makapagpiyansa.
Magugunitang nahaharap si Baldo sa kasong murder at attempted murder dahil sa pagpatay kay Batocabe at body guard nito.
With report from Jill Resontoc
