Kakaunti lamang ang mga Pilipino na nagsabing personal nilang nasaksihan ang insidente ng ‘vote buying’ o iba pang ilegal na aktibidad sa nagdaang 2019 Midterm elections.
Ito ay batay sa survey ng Social Weather Stations (SWS) kung saan lumabas na 10% lang ang nagsabing personal na nakakita ng vote buying.
Higit itong mababa kumpara sa naitalang 19% nuong June 2016.
Sa kaparehas na survey lumabas din na 15% ang nagsabing nakarinig o nakabasa hinggil sa vote buying habang 16% ang hindi tiyak at 59% naman ang tiyak kung may ganung nangyari.
Isinagawa ang survey sa pamamagitan ng Face-to-face interview sa 1,200 adults mula June 22 hanggang June 26, 2019.
