Limang heneral ang pagpipilian ni Pangulong Rodrigo Duterte para maging susunod na Armed Forces of the Philippines (AFP) Chief of Staff, kapalit ni General Benjamin Madrigal na nakatakdang magretiro ngayong buwan.
Ito ang inihayag ni Defense Secretary Delfin Lorenzana, bagama’t tumanggi na itong pangalanan pa ang mga nabanggit na AFP generals.
Una na ring sinabi ni Madrigal na kuwalipikado sa posisyon ang lahat ng 3-star rank o Lieutenant generals sa AFP.
Bagama’t tumanggi na rin si Madrigal na tukuyin ang napupusuan para maging kanyang kapalit, sinabi nito na sa kanyang pananaw dapat bihasa sa kampanya kontra NPA at sa peace process sa Mindanao ang magiging susunod na AFP Chief.
