Nanindigan si Davao City Mayor Rodrigo Duterte sa naunang pahayag na hindi papalaot sa 2016 Presidential elections.
Ayon kay Duterte, hindi strategy ang unang anunsyo niyang hindi tatakbo sa 2016 at hindi aniya siya nagpapakipot na paniniwala naman ng political analysts.
Iginiit ni Duterte na wala siyang sapat na pera, mahina ang kaniyang pangangatawan at wala ni isa man sa kaniyang pamilya ang suportado ang pagtakbo niya sa mas mataas na posisyon.
Binigyang diin ni Duterte na buong-buo na ang desisyon niyang magretiro pagkatapos ng kaniyang termino at hinihintay na lamang niya ang desisyon ng anak na si Inday Sarah Duterte kung muling tatakbong alkalde ng lungsod.
Muling humingi ng paumanhin si Duterte sa kaniyang supporters dahil hindi talaga siya sasali sa Presidential race.
By Judith Larino
