Patuloy ang isinasagawang case build up ng Philippine National Police (PNP) laban sa tinaguriang drug queen.
Ayon kay PNP Spokesman Brig. General Bernard Banac, nangangalap na sila ng ebidensiya na makapagpapatunay sa iligal na aktibidad ni Guia Gomez – Castro nang sa gayon ay makasuhan ito.
Dahil nakalabas na ng bansa ang drug queen, sinabi ni Banac na ang magagawa ng PNP sa ngayon ay i – update ang kanilang foreign counterpart sa mga bilateral meeting tungkol sa drug queen at mga taong konektado dito.
Una nang kinumpirma ng Bureau of Immigration na nakalabas na nga ng bansa si Castro.
Samantala, sinabi ni Banac na handa si PNP Chief Police General Oscar Albayalde na humarap sa pagdinig ng Senado sakaling ipatawag hinggil sa agaw bato at ninja cops.
