Ilang mga upperclassmen cadets ng Philippine Military Academy (PMA) ang kasalukuyang hawak ng mga otoridad.
Ito ay ayon kay bagong talagang PMA Commandant of Cadets Brig. Gen. Romeo Brawner, kasunod ng isinagawang physical exam sa lahat ng fourth class cadets o mga plebo.
Aniya, ilan sa mga plebo ang nakitaan ng sensyales ng pagmamalupit tulad ng mga pasa kung saan kinailangan pang i-confine ang iba.
Dagdag ni Brawner, kinausap na niya ang mga kadete at sinabihang agad ipagbigay alam sa kanilang mga superiors o sa loob ng 12 oras kung nakaranas ng hazing o maltreatment.
Una nang nangako si Brawner na tutukan ang mental at physical health ng mga kadete bilang bahagi ng pag-ukit ng kultura ng kapayapaan sa PMA.
