Mahigit 500 mga pulis ng National Capital Region Police Office o NCRPO ang i de – deploy sa New Bilibid Prison sa Muntinlupa City.
Kasunod ito ng kautusan ni Bureau of Corrections Chief Gerald Bantag na i – relieve sa pwesto ang may 300 prison guard sa maximum security ng bilibid.
Ayon kay NCRPO Director Major General Guillermo Eleazar, humingi ng ayuda si Bantag sa NCRPO para sa gagawing reporma sa loob ng pambansang kulungan.
Aniya, pansamantala lamang ang deployment ng augmentation team sa bilibid habang nagsasagawa ng retraining at evaluation sa mga bilibid personnel.
Bukod sa mga NCRPO police personnel, una nang idineploy sa lugar ang may 200 miyembro ng PNP – Special Action Force.
