Nagsilbing inspirasyon na lamang kay Vice President Leni Robredo ang pagbaba ng kaniyang approval at trust rating.
Batay kasi sa third quarter ng Pulse Asia Survey, bumaba sa 50% ang approval rating ni Robredo habang 46% naman ang kaniyang naging trust rating.
Ayon kay Atty. Barry Gutierrez, tagapagsalita ng pangalawang pangulo, tiyak na mas magiging inspirado ang bise-presidente para mag doble kayod sa pagseserbisyo sa taumbayan.
Kasabay nito, ipinarating ni Gutierrez na nagpapasalamat pa rin si Robredo sa mga patuloy na sumusuporta sa kaniya at sa kaniyang mga proyekto.
