Nilinaw ni DILG Secretary Eduardo Año na nagbitiw bilang Philippine National Police (PNP) Chief si General Oscar Albayalde.
Sinabi ni Año na posisyon lamang sa PNP ang binakante ni Albayalde at hindi ang kanyang pagiging heneral ng PNP.
Ayon kay Año, noong nakaraang linggo pa ito isinangguni sa kanya ni Albayalde at pinayuhan nya itong pag-isipan kung ano ang makakabuti sa Pambansang Pulisya.
Nito nga anyang weekend ay nagsumite na ng kanyang resignation letter si Albayalde.
Sinabi ni Año na naipadala na nya sa Malacañang ang liham ni Albayalde at tinanggap na ito ng Pangulong Rodrigo Duterte.
