Nais na maging independent ng Internal Affairs Service (IAS) mula sa Philippine National Police (PNP).
Ang IAS ay ang police unit na nag-iimbestiga sa mga ‘pulis iskalawag’.
Ayon kay IAS Director Atty. Alfegar Triambulo, tulad ng kanilang mga counterpart sa ibang bansa na kinatatakutan ng mga tiwaling pulis dahil hindi sakop ang mga ito ng police organization.
Aniya, ihihirit nila sa Senado na pagkalooban sila ng kapangyarihan na bigyan ng proteksiyon ang mga witness upang hindi matakot ang mga ito na isiwalat ang kanilang nalalaman.
