Tumanggi si Pangulong Rodrigo Duterte na magpatingin sa doktor matapos na maaksidente sa motorsiklo sa Malacañang compound.
Una nang sinabi ni Senador Bong Go na nagkaroon ng galos sa kanyang siko at pasa ang pangulo matapos itong sumemplang sa kanyang motorsiklo.
Ayon kay Go, tinawagan niya kahapon ang pangulo para kumustahin at sabihing dadalhan niya ito ng doktor para matignan.
Tinanggihan aniya ito ng pangulo at sinabing maayos naman ang kanyang kalagayan.
Iminungkahi ni Go sa pangulo na bumili na lamang ng scooter dahil mas ligtas ito kumpara sa gamit nitong big bike.
