Kumpirmadong 19 na Pilipino ang sugatan sa isang aksidente sa Italy.
Ayon sa Department of Foreign Affairs (DFA),patuloy na binabantayan ng mga opisyal ng Philippine Embassy sa Rome ang kondisyon ng 19 na Pinoy na nasangkot sa aksidente habang sakay ng pampublikong sasakyan sa via Cassia noong October 16.
Ipinabatid ni chargé d’affaires Candy Cypre Bauzon na natukoy na nila ang pagkakilanlan ng mga nasabing Pinoy at mayroon na rin aniya silang contact details ng mga ito.
Siyam sa mga Pilipinong ito ang nakausap na ng embahada kung saan tiniyak nila ang natanggap na agarang medical attention matapos ang nasabing aksidente.
Batay sa kuwento ng mga Pinoy, matinding muscle trauma ang kanilang naranasan at tatlo sa kanila ang may sugat sa npo at dalawa naman ay may bali sa balikat at binti.
Tiniyak ng embahada ang anumang tulong sa mga nasabing Pinoy.
