Patay ang mag-asawa matapos pagbabarilin ng mga hindi pa nakikilalang salarin sa loob mismo ng kanilang bahay sa Alabang Muntinlupa.
Batay sa inisyal na imbestigasyon, pasado ala una kaninang madaling araw nang pasukin ng mga salarin ang bahay ng mag-asawang kinilala lamang sa pangalan na Bokbok at Heidi.
Kuwento ng mga opisyal ng barangay, walong putok ng baril ang narinig sa lugar na pinangyarihan ng krimen.
Nabatid na bagong lipat lamang sa lugar ang mag-asawang biktima.
Patuloy naman iniimbestigahan ng mga otoridad ang motibo at pagkakakilanlan ng mga salarin.
