Naghahanda na ang Department of Health o DOH para sa ikakasang massive vaccination program sa lalawigan ng Maguindanao.
Ito’y matapos makumpirma ang ikatlong bagong kaso ng polio sa bansa sa nasabing lalawigan.
Ayon kay Health Sec. Francisco Duque III, magsisimula ang vaccination program sa November 4 hanggang November 8.
Kasabay nito, pinaalalahanan ni Duque ang mga magulang na tiyakin na nasa maayos at malinis na lugar ang kanilang mga anak partikular ang mga sanggol para makaiwas sa nasabing sakit.
Magugunitang nagpositibo sa polio ang isang apat na taong gulang na batang babae mula sa bayan ng Datu Piang sa Maguindanao.
October 24 nang kumpirmahin ng National Institute of the Infectious Diseases ang muling pagkakaroon ng polio sa bansa matapos ang dalawang dekadang pagiging polio free.
