Patay ang isang guro ng pampublikong paaralan sa Matag-ob, Leyte matapos barilin ng hindi pa nakikilalang salarin.
Kinilala ang biktima na si Michael Vincent Olorvida na malapitang binaril habang papuntang sementeryo kasama ang asawa at dalawang anak.
Kwento ng asawa ni Olorvida, papalabas na sila ng kanilang bahay sakay ng kanilang sasakyan na minamaneho ng biktima ng bigla na lamang itong lapitan ng isang lalaki at saka binaril.
Sinabi naman ni Matag-ob police chief Lt. Elizabeth Lubiano, isa sa kanilang tinitignang anggulo sa insidente ang isyu ng third party.
Wala rin aniyang kaugnayan sa trabaho ng biktima ang insidente at hindi rin ito sangkot sa iligal na droga.
Patuloy namang iniimbestigahan ng pulisya ang pangyayari para matukoy ang pagkakakilanlan ng salarin at motibo sa pamamaril.
