Patay ang tatlong (3) hinihinalang suicide bombers sa engkwentro sa Indanan, Sulu.
Ayon kay Philippine Army Lt. Col. Gerald Monfort, nasawi ang dalawang Egyptians at isang local Abu Sayyaf member na hinihinalang magkakasa ng operasyon sa Jolo.
Sinabi naman ni Lt. Gen. Cirilito Sobejana, Western Mindanao Command Chief, ang nabanggit na dalawang dayuhan ay kabilang sa walong (8) pinaghihinalaang foreign terrorist na nasa ilalim din ng watchlist ng militar.
Batay umano sa impormasyon, ang dalawang dayuhan ay nasa ilalim ng grupong Abu Sayyaf sa pamumuno ni Hatib Sawadjaan sa Sulu.
