Hindi titigil si Pangulong Rodrigo Duterte sa pagsakay sa motorsiklo.
Ito ang inihayag mismo ng pangulo sa kabila ng naransang aksidente sa motorsiklo noong nakaraang buwan.
Ayon kay Pangulong Duterte, sa kasalukuyan ay hindi na gaanong masakit ang pasa at sugat na kanyang tinamo sa aksidente.
Kasabay nito, sinabi ng pangulo na kaniyang pinag-iisipan na muling magtrabaho habang nasa kaniyang bahay sa Davao City tulad ng kaniyang ginawa noong nakaraang linggo.
Magugunitang, napaaga ang uwi sa Pilipinas ng pangulo mula sa biyahe nito sa Japan dahil naramdamang matinding pananakit ng likod matapos sumemplang sa motorsiklo.
