Patay ang isang pulis matapos tambangan sa Sitio Molave sa barangay Kamputhaw, Cebu City.
Kinilala ang biktima na si Police Lt. Col. Joie Yape na pinagbabaril ng riding-in-tandem habang naglalakad kasama ang kaniyang maybahay.
Ayon sa mga otoridad, galing sa isang function at hearing sa kasong may kaugnayan sa iligal na droga si Yape sa Cebu City.
Nabatid na natalaga si Yape bilang hepe ng provincial intelligence branch ng Cebu Provincial Police Office.
Patuloy naman iniimbestigahan ng pulisya ang pagkakakilanlan ng mga salarin at motibo ng mga ito sa pagpatay.
